الثلاثاء، 28 أغسطس 2007

بلوج كئيييييييييب ..



مرة كمان بحس بالفشل لأني مش عارفة اتعامل مع البلوج بشكل طبيعي لما عملته كانت فترة تفاؤل بسيطة كدة جتلي ومرت بسلام

وعدت لقواعدي سالمة فتميزت روح البلوج الجديد بالكآبة أيوة أنا عارفة إن البلوج بتاعي كئيب أنا طبعا حسيت ده وعشان كدة مش بدخل عليه كتير..وجاتني اتهامات صريحة بكآبته ..ما ألاقيش حد يعرفلي علاج للكآبة والنكد..انا معترفة اني كئيبة ونكدية خصوصا لما بحاول أكتب بس عايزة اتعالج من المرضين دول قبل ما يبقوا أمراض مزمنة

اكيد يعني محدش نفسه يبقى شخصية كئيبة ومملة بس ايه الحل انا فعلا معنديش حاجات منعنشة تعالج كآبة بلوجي العزيز اللي انا حاسة انه نفسه يقتلني وبيدعي على حظه المهبب اللي وقعه في إيدي لأن الواحد مش ناقص هم وحاسة بكل اللي ممكن يدخل ويبص فيه ويقول ياساتر ويخرج

بس بجد انا نفسي عايزة حل...تقريبا ان الواحد يعرف مشكلته ويعترف بيها خطوة كويسة ازاي بقى ألاقي الحل لعلاج بلوجي ولعلاجي شخصيا من الكآبة؟ تفتكروا هي مشكلة صعبة؟

عموما ياريت اللي عنده حل ميبخلش بيه عليا وعلى البلوج المسكين ده

ويابختك يا فاعل الخير والثواب

هناك تعليقان (2):

  1. البلوج مش ممكن يكون كئيب لأن فكرته هي التحرر والطيران والغنا والتعبير ولا صاحبه ممكن يكون كئيب لأنه لو كئيب مش حيكون عنده فكرة المبادرة وطرح أفكاره وأحلامه وكلامه الفارغ حتى على الناس
    نصيحة بس من أخ ياريت تغيري اللون يمكن دة السبب

    ردحذف
  2. مش كئيب ولا حاجة انتى بس اللى نسيتى تحطى لينك البلوج بتاعى على الجديد بتاعك مبروك وبلوجى عنوانه
    www.maktoobblog.com/impossiple_man
    وانا هحط البلوج عندى برضه فى المدونة بتاعتى

    اكرم الكرانى

    ردحذف

يا ترى عيونك بتقول ايه؟؟؟