الجمعة، 9 مايو، 2008

من غير إحم ولا دستور



أيوة أنا جاية من غير إحم ولا دستور...
فات كتير قوي من آخر مرة كتبت فيها..غبت كتير قوي يارب بس مكونش رجعت متاخر
أعتقد غبت عن نفسي وغابت عني سنة..السنة دي علمتني كتير قوي..صادفت فيها كتير قوي
كل مرة كنت بحب أرجع كنت بكتب واقول أنا هرجع وهعمل و..و..و.. ومفيش اي حاجة بتحصل
المرة دي قررت أرجع من غير ما أقول إني هرجع غير لنفسي ما إحنا إتقابلنا تاني وإدتني فرصة عشان
أرجعلها يارب يوفقني وأقدر أرجعلها احسن من زمان
مر وقت طويييل قوي شهور يمكن تكون دخلت على سنة كمان
السنة دي حسيت فيها إني إتغيرت كتير عن زمان..معرفش للأحسن ولا للأسوأ بس لا خلاف على إني إتغيرت
رنا اللي دلوقت مش هيRana خالص بتاعة زمان..يمكن القريبين مني قليلين قوي وهما بس اللي لاحظوا ده
بس أنا محتارة ومش عارفة بجد إذاكنت اتغيرت للأسوا ولا للأحسن يارب يكون للأحسن..بس عشان مظلمش نفسي
برضو لازم أقول ان في عيوب كتير كانت فيا أعتقد اني غيرتها أو عدلتها شوية لأني لقيت إجماع عليها وعقبال الباقي
عندي أخبار كتيييييييييييير قوي عني وعن السنة الأخيرة وعن أحلامي وعن حاجات كتييييييييييييير قااااااااااااااد كدة :)
مستنية الامتحانات تبدا وتخلص وان شاء الله المدونة دي مش هتتقفل تاني..هتتفتح على طول وهكتب فيها على طول
محدش ينسى يدعيلي بالتوفيق
ويارب يهدينا جمعيا لطريق الخير
بحاول ألاقي نفسي,وان شاء الله هلاقيها


هناك 9 تعليقات:

  1. حمد لله على سـلامتك يا رنـا
    أنا هقول لك انطباعي ببساطة ، عديت هنا مرتين قبل كده، واتضايقت قووي ، لما لاحظت إنك سايبة المدونة من ييجي 6 شهور

    وحقيقي سعيد بعودتك ....وأتمنى إنك ما تنقطعيش تاني
    أنا يمكن معرفش رنـا قوي

    بس هعرفهـا دلوقتي :)

    ولا إيه


    تحياتي ، وأول تعليق أهه
    وهنزل أقرا القصة بقى

    ردحذف
  2. الله يسلمك
    بجد سعدت بتعليقك وسعدت أكتر بمعرفتك

    هكون سعيدة أكتر بتعليقك عالقصة بدون مجاملة
    شكرا ليك مرة تانية

    ردحذف
  3. الف حمد الله على السلامه يا رنرونه
    بس ايه ياعم الفضفضه دى
    انتى شايفه انك اتغيرتى ده كويس بس الى مش حلو هو انك مش قادره تعرفى للاحسن ولا للاسوأ
    مش مهم كل ده المهم انك تكونى الى انتى عايزاه
    تعملى رنا الى انتى عايزاها بشرط متخسريش حب الناس الى انتى مش عايزة تخسريهم
    وحشنى مواضيعك جداا ومتقفيش تانى عن الكتابه
    ههههههه المفروض اقول ده لنفسي بس خلاص مشمش خد معظم وقتى
    يارب يريح بالك وقلبك ويرزقك بالسعاده وسعة الرزق يارنا يابنت ام رنا ههههههههههههههههههههههههه
    يالا سلام عشان طولت
    "اسماء عفيفى"

    ردحذف
  4. سمسمة ميرسي على تعليقك يا قمر
    معاك حق انا غلط أكون مش عارفة اتغيرت للاسوأ ولا للأحسن بس انا فعلا محترة
    انت قولتيلي شوية حاجات وهحاول اركز مع نفسي شوية عشان أعرف
    ميرسي ليك مرة تانية

    ردحذف
  5. ,اى انسان فيه عيوب
    بس فيه مزايا بتغطى على العيوب دى

    انتى كويسة اوى
    بجد
    انتى انسانه رائعة
    العيب مش فيكي
    العيب فى اللى حوالينا

    انا مستنى ابداعك

    ومستنى تاخدي مكانك الطبيعي بين نجوم الكتابة

    ردحذف
  6. تهامي ...
    أخويا اللي دايما بيشجعني وعنده ثقة فيا أكبر من ثقتي في نفسي
    نفسي أبقى قد كلامك ليا ونفسي أستاهل تشجيعك

    بجد ميرسي على كلامك قوي وميرسي على تشجيعك ليا
    :)

    ردحذف
  7. welcome back Rana
    ربنا يوفقك

    ردحذف
  8. hi rana ... this is my first time here in ur site ... i think u some knd of nice writer :))))
    mabrook el modawana el gdeda ...

    ردحذف
  9. سعودي

    شكرا ليك وبتمنى تقرأ ىخر حاجاتي وتقولي رايك

    عمرو..الله يبارك فيك ياريت أعرف رايك في اللي بكتبه

    ردحذف

يا ترى عيونك بتقول ايه؟؟؟