أولا كل سنة والامة الاسلامية كلها بخير
مش هتكلم على اني بقالي كتيييييييييييييييير قوي مكتبتش حاجة في المدونة انا مش بكتب كتير عشان كفاية كآبة الناس مش ناقصة وانا كمان مش ناقصة
بس طبعا إحنا في عيد بقى وكل سنة وانتم طيبين يعني كلنا مأجزين وكل المسلمين بيحتفلوا سوا وعيد الأضحي بالذات ليه في ذاكرتي ذكريات جميلة كنت بحب أول يوم ده جدا وبرغم إن العيد جاي المرة دي وانا واخدة كام قلم في كام حد كنت فاهمة اني غالية عندهم زي ما هما غاليين عندي وبرغم ان ورايا امتحانات بعد العيد على طول ولسة مفتحتش ولا مادة الا اني مبسوطة من حاجة حلوة قوي حصلتلي النهاردة تقريبا هي اللي فتحت نفسي اكتب عن ذكرياتي عن العيد الحاجة اللي فرحتني قوي اني اتصالحت مع خالي ...ايه في ايه كنت زعلانة من خالي بسبب مشكلة حصلت زعلتني انا واختي منه قوي وكنا فاهمين اننا ولا على باله ومش هامه نزعل منه ولا منزعلش والموضوع مش في دماغه بس اكتشفنا انه زينا بالضبط متضايق من زعلنا وجه صالحنا وفهم وجهة نظرنا وفهمنا وجهة نظره وإدانا العيدية :D
اللي ماما كانت بتضرب عليها زمان :D
أنا مبسوطة اني أكتشفت ان خالو وخالي التاني مش شايلين مننا وناسيين الموقف اللي كان مضايقنا ومخلينا احنا اللي شايلين...بجد لما لقيت انهم ناسيين وانا اللي زعلانة وشايلة زعلت من نفسي قوي خالو طبعا مسكتش فضل يفكرني بأيام زمان ويقولي ان مصروفه كان بيخلصه عليا وانه كان بيذاكرلي وبيوديني الحضانة وانا فكرته بأيام ما ربطني في السرير :) أمال أسيبه يعد أفضاله كدة عالماشي...شريط الذكريات فكرني بأيام عيد الأضحى اللي احنا داخلين عليه
العيد ده هنا بحس انه ليه طعم تاني خالص لأن في يوم العيد ده بنتجمع كلنا في بيت جدتي وبيكون في أكتر من خروف طبعا بتاع تيتة وبتاعنا وبتاع خالو وخالوا التاني ولو حد من اخوات جدتي معندوش مكان يدبح فيه بييجي لأن بيت جدتي واسع وفيه أماكن للدبايح:) المهم أجمل ما في اليوم ده ان أخوالي(ظباط) بيقلعوا البدل الميري وبيمسكوا السكاكين والسواطير (أدوات الجزار) ويقوموا بعمله على اكمل وجه من دبح وسلخ وتقطيع وكله مفيش جزار بييجي يساعدهم انا طبعا كنت فاهمة ان ده العادي لحد ما اكتشفت ان الناس بتبعت تجيب جزار او بتشتري لحمة او بتسيب الضحية عند جزار يظبطلهم الدنيا ويجيبهالهم وهما عليهم يوزعوا وياكلوا بس
انا بحب اتفرج قوي على اليوم ده وخالو يندهلي عشان امسك منه وانا اسهم وابص وانا قرفانة يقوم يشخت فيا او يضايقني وخليني امسك اي حاجة في الخروف ويجيبها على لبسي وخالوا الكبير وتيتة يتخانقوا مين هيدبح بتاعته الاول عشان نعمل منها الفطار تيتة تحلف وهو يحلف ومعرفش في الآخر بتاعة مين اللي بناكل منها ونقف نشوي من اول واحدة ونعمل سندويتشات للي بيشتغلوا ومناظرهم عار ولا أحسن جزارين متودكين:)
بجد بجد ربنا يخليلي أخوالي ويديم علينا وعليهم الفرحة بالعيد
انا صحيح مش هعرف انزل واحضر اليوم ده واللي وحشني قوي بقاله كتير بس كل عيد أضحى برجع بذاكرتي للي مخزناه فيها عن يوم العيد وافتكر المواقف اللي كانت بتحصل سواء من الدبيحة لما بتهرب او لما يجيبوها ناحيتي وأصرخ ولما يضايقوني عشان مش بحب امسكها بدمها المواقف كتييييييييير متكفيهاش تدوينات
يلا بقى كل سنة وكل المسلمين بألف خير
وحشتني مدونتي ووحشتني الفضفضة :)
مش هتكلم على اني بقالي كتيييييييييييييييير قوي مكتبتش حاجة في المدونة انا مش بكتب كتير عشان كفاية كآبة الناس مش ناقصة وانا كمان مش ناقصة
بس طبعا إحنا في عيد بقى وكل سنة وانتم طيبين يعني كلنا مأجزين وكل المسلمين بيحتفلوا سوا وعيد الأضحي بالذات ليه في ذاكرتي ذكريات جميلة كنت بحب أول يوم ده جدا وبرغم إن العيد جاي المرة دي وانا واخدة كام قلم في كام حد كنت فاهمة اني غالية عندهم زي ما هما غاليين عندي وبرغم ان ورايا امتحانات بعد العيد على طول ولسة مفتحتش ولا مادة الا اني مبسوطة من حاجة حلوة قوي حصلتلي النهاردة تقريبا هي اللي فتحت نفسي اكتب عن ذكرياتي عن العيد الحاجة اللي فرحتني قوي اني اتصالحت مع خالي ...ايه في ايه كنت زعلانة من خالي بسبب مشكلة حصلت زعلتني انا واختي منه قوي وكنا فاهمين اننا ولا على باله ومش هامه نزعل منه ولا منزعلش والموضوع مش في دماغه بس اكتشفنا انه زينا بالضبط متضايق من زعلنا وجه صالحنا وفهم وجهة نظرنا وفهمنا وجهة نظره وإدانا العيدية :D
اللي ماما كانت بتضرب عليها زمان :D
أنا مبسوطة اني أكتشفت ان خالو وخالي التاني مش شايلين مننا وناسيين الموقف اللي كان مضايقنا ومخلينا احنا اللي شايلين...بجد لما لقيت انهم ناسيين وانا اللي زعلانة وشايلة زعلت من نفسي قوي خالو طبعا مسكتش فضل يفكرني بأيام زمان ويقولي ان مصروفه كان بيخلصه عليا وانه كان بيذاكرلي وبيوديني الحضانة وانا فكرته بأيام ما ربطني في السرير :) أمال أسيبه يعد أفضاله كدة عالماشي...شريط الذكريات فكرني بأيام عيد الأضحى اللي احنا داخلين عليه
العيد ده هنا بحس انه ليه طعم تاني خالص لأن في يوم العيد ده بنتجمع كلنا في بيت جدتي وبيكون في أكتر من خروف طبعا بتاع تيتة وبتاعنا وبتاع خالو وخالوا التاني ولو حد من اخوات جدتي معندوش مكان يدبح فيه بييجي لأن بيت جدتي واسع وفيه أماكن للدبايح:) المهم أجمل ما في اليوم ده ان أخوالي(ظباط) بيقلعوا البدل الميري وبيمسكوا السكاكين والسواطير (أدوات الجزار) ويقوموا بعمله على اكمل وجه من دبح وسلخ وتقطيع وكله مفيش جزار بييجي يساعدهم انا طبعا كنت فاهمة ان ده العادي لحد ما اكتشفت ان الناس بتبعت تجيب جزار او بتشتري لحمة او بتسيب الضحية عند جزار يظبطلهم الدنيا ويجيبهالهم وهما عليهم يوزعوا وياكلوا بس
انا بحب اتفرج قوي على اليوم ده وخالو يندهلي عشان امسك منه وانا اسهم وابص وانا قرفانة يقوم يشخت فيا او يضايقني وخليني امسك اي حاجة في الخروف ويجيبها على لبسي وخالوا الكبير وتيتة يتخانقوا مين هيدبح بتاعته الاول عشان نعمل منها الفطار تيتة تحلف وهو يحلف ومعرفش في الآخر بتاعة مين اللي بناكل منها ونقف نشوي من اول واحدة ونعمل سندويتشات للي بيشتغلوا ومناظرهم عار ولا أحسن جزارين متودكين:)
بجد بجد ربنا يخليلي أخوالي ويديم علينا وعليهم الفرحة بالعيد
انا صحيح مش هعرف انزل واحضر اليوم ده واللي وحشني قوي بقاله كتير بس كل عيد أضحى برجع بذاكرتي للي مخزناه فيها عن يوم العيد وافتكر المواقف اللي كانت بتحصل سواء من الدبيحة لما بتهرب او لما يجيبوها ناحيتي وأصرخ ولما يضايقوني عشان مش بحب امسكها بدمها المواقف كتييييييييير متكفيهاش تدوينات
يلا بقى كل سنة وكل المسلمين بألف خير
وحشتني مدونتي ووحشتني الفضفضة :)
