الخميس، 4 سبتمبر، 2008

يوم ميلادي


"اليوم...يوم ميلادي"

نعم اليوم يوافق يوم ميلادي..فاليوم أتم عامي الثاني والعشرون..بالتأكيد سيمر كأي يوم عادي فهو يوم لا يهم أحداً سواي...

يوم ميلادي يوافق التاسع من شهر سبتمبر حسب الأوراق الرسمية التي تخصني, ويوافق الخامس من نفس الشهر حقيقةً...

لم أعد أشعر بسعادة بهذا اليوم مثلما كنت أفعل دوماً حين كنت أصر على الاحتفال به وسط ضجيج الأصدقاء والموسيقى الصاخبة والحلويات التي تجيد أمي صنعها..أتذكر كيف كنت أستيقظ في هذا اليوم - الذي كان يحل في أيام الأجازة الصيفية غالباً وقبل حلول الدراسة بأيام وربما أسبوع وبضعة أيام – مليئة بالسعادة والنشاط لأعيد ترتيب المنزل وتنظيفه - على غير عادتي - استعدادا لاستقبال صديقاتي وضيوفي, وأجهز المكونات حتى تعود أمي من عملها لتتفرغ لصنع الحلويات من يديها فكان ما يميز حفلي الخاص هو ما تصنعه أمي – حماها الله وحفظها لنا - بيديها الجميلتين الماهرتين في كل شيء, كانت تصنع لي أكثر مما اطلبه, كيف أحسن التزين لأكون في كامل أناقتي هذا اليوم...

كان موعد الاحتفال بيوم ميلادي مقدساً كل عام على عكس أخي وأختي فنادرا ما نحتفل بأعياد ميلاد أحدهما لظروف مختلفة لا أتذكرها تحديداً...

"اليوم يوم...ميلادي"

أذكر أول عام قررت فيه عدم الاحتفال بيوم ميلادي..كان أول عام لي بالجامعة ولأن نتيجتي كانت مخيبة لآمال الجميع قررت أن أعاقب نفسي بألا أحتفل بيومي المقدس...

"اليوم...يوم ميلادي"

أتذكر يوم احتفلت مرتان بيوم ميلادي في نفس العام..إحداها كانت وسط مجموعة من الشباب من مختلف المحافظات..حين كنا نقضي أسبوعا في ورشة عمل للشعر والأدب تابعة لوزارة الشباب والرياضة – سابقاً - بمركز شباب المنيل..كان من أفضل الأيام التي مرت علي, والأخرى حين احتفلت به وسط أصدقائي ومجموعة العمل بقسم الشباب بالجريدة التي مارست الكتابة بها لفترة وكان أيضاً من أسعد أيامي فكنت أول من احتفلوا بها في الجريدة وكررنا الاحتفال في العام التالي بنفس الجريدة وكان آخر احتفالاتي بيوم ميلادي...


"اليوم...يوم ميلادي"

مر يوم ميلادي في العام السابق مرور الكرام..فلم يتذكره أحد سواي وربما شخصان أو ثلاثة ممن تذكرهم به ذاكرة هواتفهم...

"اليوم...يوم ميلادي"

يسعدني أن يوم ميلادي هذا العام يوافق – لأول مرة – يوماً من أيام الشهر الكريم لكنها ليست سعادة باليوم ذاته أو بالحدث الذي لم ولن يذكره أحد سواي...

"اليوم...يوم ميلادي"

واليوم..أفتقد الكثير..أفتقد الإحساس بالأمان وأشعر بالحنين الشديد لأبي العزيز – رحمه الله - , أفتقد لمسة حنان من أمي - حفظها الله - التي تنشغل بأمورنا الخاصة والعامة حتى أنها تكاد تنسى أحاسيسنا ومشاعرنا, أفتقد أخي الذي يبعد عنا مسافات, أفتقد أختي التي تضيق بي لاختلاف طباعها وأسلوب حياتها الصاخبة عن حياتي الهادئة, أفتقد الأصدقاء الحقيقيين, أفتقد شخصا قد يحمل عني همومي وأحزاني, أفتقد رنا التي كنت أعرفها من قبل...

"اليوم...يوم ميلادي"

واليوم أتمنى النجاح والفلاح..أتمنى أن أرضي ربي وأمي,..أتمنى أن يرتاح أبي في منامته..أتمنى أن أتغير للأفضل, أتمنى لو أشعر بالسعادة الحقيقية لا الزيف الذي نعيشه ونكتشفه دوماً..ولتتحقق أمنيتي بالشعور بالسعادة ..علي أن أرضي الله وأمي وأتصالح مع نفسي ومن حولي...

فاليوم..يوم ميلادي


5/9/2008

هناك 23 تعليقًا:

  1. كلماتك رقيقة قوي يا رانون..

    أنا عن نفسي عمري مااحتفلت بعيد ميلادي لأنى مش بفرح فيه.. زمان كنت بافرح أنى كبرت.. لما كملت 10 سنين مثلا أو 15
    الأرقام دى حلوة.. لكن من بعدها ابتديت أحس بالكبر.. الممتع بيبقى الإنجاز اللى الواحد عمله فى خلال السنة اللى فاتت.. مش مرور السنة فقط..

    ربنا يسعدك يا رب ويوفقك في كل حياتك..
    وتحياتي للبحر الأحمر عندك..

    الصورة تحفة على فكرة..

    سي يو

    ردحذف
  2. اه ..

    وكل سنة وانتى طيبة .. ورمضان كريم في نفس ذات الوقت..

    ردحذف
  3. يوووووووه ..

    بالمرة بقى قبل ما انسى ..
    بادعوكي لزيارة مدونتي ضرورى

    عشان هتلاقي فيها مفأجة..

    كفاية عليا تعليقات كدة..

    على الله ماكونش نسيت حاجة تاني !!

    ردحذف
  4. كل سنه وانتى طيبة

    وصدقينى أنا حاسة بنفس أحساسك ده لان عيد ميلادى كان من كام يوم ومر برضة مرور الكرام

    بصى لقدام وتفاؤلى لحياه وأشتغلى لأن ده أهم حاجة

    تحياتى

    ردحذف
  5. Happy birthday to you

    Happy birthday to you

    Happy birthday to Rana

    Happy birthday to you

    ازاي بس محدش مهتم بعيد ميلادك غيرك

    لا طبعا انا مهتمة بس مكنتش اعرف هو امتى علشان اهنيكي يا قمرايا

    كل سنة وانتي طيبة وبجد انا سعيدة جدا بعيد ميلادك وسعيدة اكتر اني بهنيكي بيه
    وحتي لو محتفلتيش بيه فتأكدي ان مش انتي لوحدك اللي عيد ميلادك اتغير ومبقاش زي عيد ميلادك وانتي طفلة
    و خليكي متفائلة ان سنة راحت بكل احزانها ومشاكلها وجت سنة جديدة ان شاء الله تبقى احلى واجمل

    وربنا يرحم باباكي ويباركلك في مامتك

    ربنا يكرمك ويرضى عليكي وان شاء الله تبقى سنة جميلة عليكي

    ردحذف
  6. ليه كدا؟
    مش عاجبنى خالص المود دا
    تفائلوا بالخير تجدوة
    وكل سنه وانتى طيبه

    ردحذف
  7. كل سنه وانت طيبه
    وعقبال منحتفل بعيد ميلادك رقم 100 زى محتفلنا بالاهلى يارب وتبقه مئويه جامده

    ردحذف
  8. كل سنة و انتى طيبة يا أجمل و احسن اخت فى الدينا

    تهامي

    ردحذف
  9. سلام عليكم
    كل سنة وانتى طيبة
    انتى كده بصرة مع اية عيد ميلادكم فى يوم واحد

    مش انت الوحيدة اللى لما كبرت مش احتفلت بعيد ميلادها
    انا كمان مش عارفة ايه السبب بس ماعدتش بهتم بيه اوى

    تانى حاجة زعلتينى لما قولتى انك وحيدة احنا جنبك بنقولك كل سنة وانت طيبة
    تقبلى مرورى وتعليقى وشكرا على زياراتك لينا فى المدونة بتنور

    ردحذف
  10. مبروك على يوم ولادتك. أنا من ماليزيا٠

    ردحذف
  11. كوووووووول سنه وانتي طيبه ياعسل

    كمان محدش يفتكره ده

    قوليلي بس من نسيه وماليكش دعوه

    سبوني عليه :)) (طب اهدي بس ياكيارا وهني البت ومش تتخناقي )

    :) طويب اصلعا بتقول ياجدعان محدش افتكرها

    يعني كل المدونين دول بيعملوا ايه

    يلا ياكماحه

    هابي بيرث تو يو

    سنه حلوه ياكميل احم احم صوتي حلو مش كده (وش مكسوف )

    انا كيت اهو وفي ايدي تورتايه يلا كوليها لوحدك بعد الفطار ومش تدي اي حد منها

    مبقتش عارفه وانا كايه بتحبي السكولاته ولا الكريمه ولا ايه قلت يابت ياكيارا هاتيلها التونين مس تستخري

    ده عيد ميلا العسل

    http://img255.imageshack.us/img255/7372/26582422kr4.jpg


    http://img230.imageshack.us/img230/4410/chocolatecaketo4.jpg

    يلا كل سنه وانتي طيبه والي الله اقرب

    واوعي نصيحه من اخت ليكي تحسي في اليوم ده بحزن

    سلاموز بقي لحسن هصدق الناس اللي بتقول عليا رغايه :))

    ردحذف
  12. خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع. هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون . 3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا. ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html

    ردحذف
  13. بصي انا مبسوط جدا، لأن بجد فيه تقدم
    احتفالك بعيد ميلادك السنة ديه احسن بكتير من السنة إلي فاتت
    ده انتي كنتي منكدة علينا يا مفتريةو كاتبة تدوينة كئيبة مش عارف جايباها منين
    انما دلوقتي بسم الله ما شاء الله كاتبة تدوينة مش كئيبة قوي، إن شاء الله السنة الجاية حتكوني احسن بس قولي يا رب
    ثم انتي زعلانة قوي كده ليه انك مبتحتفليش بعيد ميلادك و انا مفيش غير اتنين او تلاته بيفتكروه، ديه حاجة كويسه خالص خديني انا مثلا معرفش يعني ايه عيد ميلاد و سنة و لا اتنين حتلاقيني ناسي انا اتولدت امتى اساساو مع ذلك عايش اهه و مبسوط و زي المجانين كمان بضحك ع الفاضية و المليانة
    أما بخصوص التلاتين إلي فاتت إلي بيتكلم عنهم اخونا إلي فوقيا بالظبط و إلي مش عارف ايه إلي جابهم هنا اساسا فانا من رأيي أننا نحسن دخل مصر عن طريق عمل التورت في اعياد الميلاد و نستورد ناس نعزمها من برة علشان ياكلوها و إلي معهوش تمنها يجي يتصور جنبها و يدفع نص التمن بس، هوه ردي غريب شوية بس انا باحاول اربط التعليق إلي فات ده بالموضوع علشان مبيقاش شكله غريب وسط التعليقات.

    ردحذف
  14. hi rana
    DONT BE WISTFUL
    ارجوكى متبقيش مكتئبة كده
    انا كمان بحس زيك خصوصا بفتقد بابا الله يرحمة كتير جدا خصوصا ان ده اول رمضان يعدى عليا من غيرة
    بس لازم نكمل الحياة
    ويا ستى اذا كان على عيد الميلاد دحنى نعملك واحد وفى MOVENPICK كمان ولو يا ستى عايزاة فى الHILTON او CONTENINTAL او حتى 4seasons
    hope be a frinds
    c u
    bye bye

    ردحذف
  15. كل سنة وانتي طيبة..وسعيدة بإذن الله : )

    ردحذف
  16. حاتم عرفه..ميرسي ليك بجد ومنور مدونتي المتواضعة لأول مرة..وكل سنة وانت طيب

    بسمة..وانت طيبة يا بسوم ويارب صداقتنا تدوم يارب :)

    lady e..ميرسي يا سكر عالحفلة التحفة دي..وكمان بتغنيلي محدش قدي بقى :)) نورتيني يا قمر :)

    ردحذف
  17. د/عمرو..كل سنة وانت طيب .زمعلش بقى ساعات الواحد بتفلت منه أحاسيس بتعبر عن موده..استحملنا شوية :) شكرا لمرورك

    دكتور/أيمن..وانت طيب ..مئوية مرة واحدة لا احنا كدة فل قوي:))

    شملولي بن سحلولي..وانت طيب شكرا لمرورك:)

    ردحذف
  18. تهامي..وانت طيب ميرسي يا تهامي ليك بجد وانت عارف انك اخ غالي :)

    يمنى..ميرسي ليك ياقمر وكل سنة وآية طيبة..مدونتكم من المدونات اللي بحب أتابعها على طول..بشكرك على ذوقك ومرورك


    دكتور/عبد الوهاب الاربعين...وانت طيب واهلا بيك وبكل اهل ماليزيا :) منور البلوج:)

    ردحذف
  19. كيارا الجميلة..ايه الصوت اللي يجنن ده وكمان جبتيلي التورت..ولو ان التورتة المفروض عليا وانتوا عليكوا الهدايا بس :)) لأ بجد نورتي الحفلة دا انت اللي أحييتيها بعد ما فقدت الامل والله مش هزعلك وهاخد الاتنين يا سكر..ميرسي ليك ولذوقك بجد نورتي حفلتي المتواضعة :))


    مصطفى باشا علي..ميرسي انك نورتين ومبسوطة انك بتابعني من بعيد :) واهو يعني شوية شوية الواحد بيفك من الاكتئاب والنكد الحمد لله :) شكرا انك حاولت تربط الكلام اللي انا مش فاهماه بالموضوع :)) نورتني وليك حتة تورتاية تحب الشوكولاتة ولا الكريمة؟؟

    ردحذف
  20. حسام..منور البلوج في أول زيارة..كل سنة وانت طيب يارب وميرسي عالحفلة بس بذمتك مش هنا احسن من الاماكن اللي قلت عليها :)) منورني ويارب يرحم بابايا وباباك ويجعل مثواهم الجنة يارب..شكرا لمرورك


    سمامصر..وانت طيبة يا جميلة ..شكرا ليك ياقمر


    بجد نورتوني وفرحتوني وأسعدتوني كلكم في عيد ميلادي :))

    ردحذف
  21. بصي انا بحب الشكولاته اكتر من الكريمة فلو فيه الاتنين هاتيهم على بعض، و يبقى احسن لو فيه لحمة

    ردحذف
  22. عيد ميلآد سعيد وعقبال 100 سنه

    ردحذف

يا ترى عيونك بتقول ايه؟؟؟