الثلاثاء، 21 أكتوبر 2008

تدوينة عالسريع

وحشتوني جدا ووحشتني المدونة قوي
عايزة أشكر كل اللي سال عني وكل اللي استغيبوني
وبعتذر اني غبت من غير سابق إنذار
طبعاً للي ميعرفش أنا إختفيت عشان الكلية والدراسة والقصص دي
وبعدين قلت هتابع من سيبر
ولما سافرت حصلت شوية مشاكل مباقاش عندي وقت ادخل سيبر
وخدت الدور اللي ماشي اليومين دول وتعبت وده اللي رجعني بدري
ولأول مرة من سنين أتنازل واروح لدكتور وكمان
اعمل الحاجة اللي كنت مستحيل اني اعملها لو انطبقت السما عالأرض
وهي إني آخد بدل الحقنة 2 وان شاء الله مش هكرر الموضوع ده تاني
الحمد لله بدات أتحسن
ورجعت للبلوج اللي هغيب عنه كمان كام يوم بحكم الدراسة
إدعولي

ملحوظة:
عجبتني قوي فكرة وثيقة التدوين اللي طرحها مجنووون
للي حابب يعرف تفاصيل عن الوثيقة
اللجنة التأسيسية للتدوين

ودي عناصر الوثيقة

عناصر الوثيقة التاسيسية للمدونين

بحيي مجنوون
وكيارا
وضد التيار

هناك 16 تعليقًا:

  1. حمد الله على سلامتك
    وعود احمد ان شاء الله
    زى ماالمدونه فرحت بيكى
    احنا برضه فرحنا بيكى
    وبعودتك
    اما بقى للوثيقه فانا منمؤيدين الفكره الجميله وبنشكر كل اللى قام بالفكره

    ردحذف
  2. اولا حمدلله على السلامه

    ثانيا الف الف سلامه علكى ويارب تكونى دلوقى بااحسن حال

    طبعا مش هاقدر اقولك لازم تروحى للدكتور و الكلام دا لانى انا زيك مابحبش اروح للدكتور ):

    بس برضه لازم عشان صحتك

    و يارب يكون المشاكل اللى كنتى فيها انتهت

    و ربنا يوفقك فى دراستك

    و ماتغبيش تانى بقى و ابقى ادخلى برضه طمنينى عليك

    ردحذف
  3. حمد الله علي السلامه ياقمروبجد وحشتيييييييييني

    وحاولي تطمنيني عليكي من وقت للتاني

    اوكش ياعثل

    ردحذف
  4. حمدا لله على السلامة
    وربنا يحفظك دايما
    فى إنتظار جديدك
    تقبلى تحياتى
    دمتى بود

    ردحذف
  5. والله وحشتيني جدا جدا جدا جدا

    وبتيجي على بالي كتير جدا

    الف الحمد لله على سلامتك هو الدور اللي ماشي مبيرحمش هو كل شوية يزورني ويروح
    بس انا بقى زيك بالظبط مستحيييل اخد حقن
    ربنا يحفظك ويشفيكي
    ومتغيبيش تاني كده بنفتقدك

    ردحذف
  6. أولا حمدالله علي السلامه

    بقالك فترة كبيرة قوي مش بتدخلي

    ثانيا شكرا علي تضامنك معانا في موضوع الوثيقة


    ويا ريت متتاخريش عنا ويا رب يوفقك في دراستك وفي حياتك


    تقبلي مروري
    مجنووون

    ردحذف
  7. حمدا لله على سلامتك
    وان شاء الله متاخديش حقن تانى وياريت نعمل حملة من المدونين لمنع الحقن من الصيدليات والمستشفيات تفعيلا لحقوق الانسان

    ردحذف
  8. كل حقنة وانت طيبة
    ههههههههههههه
    وعلى فكرة
    أنا كمان مش ممكن آخد حقن
    ولو دكتور او ممرضة حاولوا
    بتحصل مهازل
    عروقي بتهرب وبتبقى فضايح

    ربنا يبعدنا عن الحقن واللذي منه
    ويديم علينا وعليكي الصحة يارب
    وألف حمدا لله على سلامتك

    أخوكي في خوف الحقن
    إحســــان

    ردحذف
  9. الف سلامة عليكى واكيد انتى دلوقتى اقوى ومستنين جديدك اللى هيكون احسن

    ردحذف
  10. حمد لله على سلامة رجوعك .. وياريت متتاخريش تانى فى الكتابه كده .. بس طبعا منغير ميأثر على دراستك . يعنى لو منك اكتب تدوينه كل خميس منها تكسر الملل وتحافظ على التواصل وفى نفس الوقت متاثرش على المذاكره

    تحياتى

    ردحذف
  11. حمد الله علي سلامتك يا رنون
    بس انتي قلتلي مش هتتأخري وبرضو بتتأخري
    يارب تكوني بخير يا جميل

    في انتظار الجديد

    تحياتي

    ردحذف
  12. انا جايه بس اقولك كوووووووووول سنه وانتي طيبه
    ويارب يكون عيد سعيد عليكي

    ♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
    ▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
    ♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
    ▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥

    ردحذف
  13. حمد لله على السلامة

    كل حاجة نورت بعودتك


    تهامي

    ردحذف
  14. انا اول مرة ازورك هنا يمكن لانى جديد فى الدنيا دى بصراحة مدونتك عجبتنى جدا بالتوفيق فى الدراسة

    ردحذف
  15. انا جيت بس أقولك

    كووووووووووووووول سنه وانتي طيبه يا جميل
    ويااااااااااااااارب 2009 تبقي أجمل من 2008 وتحقق كوووووووووووووووووول اللي بتتمنيه
    وتبقي سنه سعيده علينا كلنا ياااااااارب

    تحياتي

    ردحذف
  16. ربنا يوفقك يا قمرايا ويارب تكوني بخير وتطمنينا عليكي قريب

    ردحذف

يا ترى عيونك بتقول ايه؟؟؟