السبت، 15 أغسطس، 2009

3 حاجات مضايقاني دلوقت :(


فعلا دلوقت انا مضايقة جداااااااااااااااا بسبب 3 حاجات أول حاجة: كل سنة بنسى أعمل عيد ميلاد لعيوني السنة دي قررت ما أنساش وقلت أكيد هعملها ولو حفلة عالضيق وكالعادة النهاردة وانا ببص في التاريخ إكتشفت انه كان من كام يوم واني نسيت أعملها رغم انها الفترة دي شغالة معايا يعني..أسفة ليها بجد :( تاني حاجة: جالي تعليقين عالبوست اللي فات جيت اضغط نشر قمت بحركة غباء دوست رفض من غير ما ألحق أشوف من مين واتضايقت طبعا لأن الواحد مش كل يوم بيجيله تعليقات ..أسفة للي تعليقهم مش هيظهر :( تالت حاجة: حضرنا شنطنا أنا وأختي وجهزنا نفسنا للسفر عشان نخلص شوية ورق ليها في الجامعة وبعد ما وصلنا الموقف مالقيناش مكان يوحد ربنا في اي معاد مع اننا نازلين بدري ساعة الا ربع المعادين البدري كومبليت من الصبح..رحنا نشوف مرسيدس مالقيناش غير اتوبيس ما نستحملهوش ربع ساعة فما بالكم ب4 ساعات سفر معاه هيكونوا 6 ؟؟!! والنتيجة اننا مسافرناش ومش عارفين هنسافر امتى ولا ازاي وسطة هوجة المصيفين اللسي تقريبا سابوا البحر وأقاموا في الموقف :@

هناك 13 تعليقًا:

  1. معلش ياقمر بقي

    خلاص كل سنه والمدونه طيبه ويارب تشوفيها عروسه زي العروسه

    ثانيا معلش بقي علي التعليقين هما اكيد عرفوا هما مينن وتكيد دلوقتي هما مش زعلانين وبعدين ياقمر ماتشيلي التعليقات من علي البوستات وسيبها علي الله



    ثالثا بقي اكيد انك مسافرتيش ده خييييييييييير وربنا اراد انك متسافريش عشان اكيد خير



    رابعا بقي كل سنه وانتي طيبه ياسكره

    ردحذف
  2. السلام عليكم

    متزعليش ياقمر مافيش حاجه تستاهل ربنا يكرمك يارب ويبعد عنك اى شر او اى سوء

    كل سنه وانتى طيبه

    مودتى
    ايناس

    ردحذف
  3. هههههههههههههههه
    معلش
    بتحصل والله:))

    ردحذف
  4. الووووووووووووووو
    انا الاول ولا لا
    لا انا عارف
    عشان انتى مش بتعرضيهم قبل ما تنشريهم
    هيييييييييييييه
    يببقى انا الخمستاشر

    ردحذف
  5. النت بيفصل وانا عاوز اعلق يا نااااااااااااااس

    ردحذف
  6. بصى السفر
    لا يمكن تلاقى مكان
    دى نصيحه اخويه
    روحى مشى اسهل

    ردحذف
  7. ديالا الجميلة :)

    كل سنة وانت طيبة وميرسي لكلامك اللي زي السكر :)

    ردحذف
  8. ايناس العسل..
    كل سنة وانت بألف خير
    وخلاص بقى مش زعلانة :)
    ميرسي يا جميل :)

    ردحذف
  9. د/ عمرو
    اه ما انا جربت انها بتحصل D:

    نورتني:)

    ردحذف
  10. زناتي...

    اعتبر انك اول تعليق ويارب يبقوا حمستاشر يسمع منك ربنا :)

    اه ما انا عملت بنصيحتك وسافرت مشي D:

    جد بتنورني دايما :)

    ردحذف
  11. كل سنة و انتي طيبة
    تروحي مصر بالسلامة

    ردحذف
  12. كل سنة وانت طيب يا تهامي
    انا رجعت فعلا بالسلامة الحمد لله :)

    ردحذف
  13. ياستى ان شاء الله خير
    وهتتروحى الكليه والناي الي بايته في الموقف هتمشي
    كل سنه وانتى طيبه

    ردحذف

يا ترى عيونك بتقول ايه؟؟؟