الخميس، 6 أغسطس، 2009

أختي الصغيرة إتخرجت قبلي يا جدعان



أختي نجحت وخلصت دراسة كمان هي صحيح أصغر مني وكان المفروض انا أخلص الأول بس أنا مبسوطة جدا
أختي أصرت تعمل حفلة تخرج وتعزم كل الناس اللي نعرفها وكل صحباتها عجبتني قوي لما قالت أنا لازم أعمل وأعرف كل الناس ان ماما(ربنا يخليهالنا) تعبها معانا السنين اللي فاتت مراحش عالفاضي..ماما كانت معترضة طبعا أولا لأن مالهاش في الهيصة والدوشة, ثانيا لأنها هتتعب جامد عشان احنا من صغرنا مش بنشتري حلويات من برة وماما موجودة يعني هي اللي هتعمل كل حاجة بنفسها وقد كان وشرفتنا كالعادة...أنا بقى كان رأيي ان بدل ما كل شوية حد يكلمنا يقول أحنا جايين نزوركم ونبارك (عشان تخرد اختي) وماما تقوم تعمل حاجة حلوة للضيوف يتجمع التعب كله في يوم ونفرح فيه ونفرح أختي وأصحابها...
إمبارح عملنالها حفلة تخرج صغيرة في البيت بجد كانت أكتر من تحفة وناس كتييييييييييييييييييييييييييييييييير جدا جد وبنات كتيييييييييييييييييييييير عكس ما توقعت لأني كنت فاكرة ان سنين الكلية برة العريش ضيعت مننا صداقات زمان خلاص..بس إكتشفت ن على قد ما بتاخد مننا صداقات على قد ما بتدينا الصداقات الحقيقية والقوية وان شاء الله هعمل بوست عن الموضوع ده
المهم ان برغم ان كلنا تعبنا جدااااااااااااااا ماما وانا وأختي وصحباتنا وقرايبنا الا ان الكل كان مبسوط وفرحان وفي ناس مكانتش عايزة تمشي, أمي كالعادة أبدعت في كل الأصناف اللي عملتها واللي فضلت 3 أيام بتعمل فيها وانا واختي اتهدينا في الشقة قبل وبعد الحفل ونفخ البلالين والزعيق للعيال عشان يبطلوا دوشة وقصص كتير كدة
مبرووووووووووووووووووك لأختي الجميلة ويارب يوفقها في اللي جاي لو هتكمل دراسة أو تشتغل أو تتجوز بقى وهي ونصيبها
دي شوية صور عشان الصور اتمسحت وخصوصا صور البلالين :(

تسلم ايدك يا أمي

هناك 21 تعليقًا:

  1. والله عيونى بتقول مفيش اى تورتايه كده ولا اى حاجه ده كلام
    يلا عموما الف مبروك وعقباااااااالك

    ردحذف
  2. ايه الكلام ده بقى؟؟!!
    أمال لو مكنتش جيبالكوا نص الحلويات لحد عندكوا؟؟

    نورتني :)

    ردحذف
  3. mashaallah tslm ayd mamtk wyarb kol ayamkm afra7 w3oabalk ya amr ttkhrgy anty kman 3la kher ya rab

    ردحذف
  4. الف الف الف مبروك
    بس الاكل بجد كده الواحد ريقه جرى خالص
    انا كنت صايم
    وفطرت على البوست الجميل ده
    يا رب افراحك تدوم دايما

    ردحذف
  5. thx ya gameel w yarab yesma3 menek we yarab kol 7ad nefso fe 7aga 7elwa tt7a2a2lo ya rab :)

    thx :)

    ردحذف
  6. بألف هنا مستر زناتي:)

    وعقبالك يارب لما تتخرج وتبقى باشمهندز جد الدنيي :))
    نورتني :)

    ردحذف
  7. الف مبروك لها و عقبالك

    ردحذف
  8. الله يبارك فيك وعقبال كل اللي لسة ما اتخرجوش يارب

    نورتني :)

    ردحذف
  9. مبروك لـ أروى يا رنا .. سلامي لها وبوسيهالي وباركيلها

    أنا عاوزة حته من كل طبق D:

    ردحذف
  10. الله يبارك فيكي يا ضحى وعقبالك يارب :)

    ردحذف
  11. مبروووووووووووك لاختك وعقبالك يا قمر
    بوسيهالى مش كنتى تعزمينا ههههههههه طمعانة فى التورتة بقىهههههههه
    مبروك يا قمر واللى تستاهل الهدية بجد مامتك ربنا يخليهالكوا يارب
    تحياتى

    ردحذف
  12. الف الف مبروك على التخرج يا قمرايا وعقبالك وعقبالي انا كمان :)

    تسلم ايد مامتك بجد الحلويات ما شاء الله شكلها جميل اوي

    ردحذف
  13. ana 3ayza men tortet el bala7 malesh da3wa

    ردحذف
  14. مي..الله يبارك فيكي يا قمراية والتورتة كلها تحت امرك يا فندم :)
    معاك كل حق أمي هي اللي تستاهل كل خير :)

    ردحذف
  15. ليدي...الله يبارك فيكي يا عسل وعقبالنا ياااااااااااارب :)

    تسلمي يا جميلة:)

    ردحذف
  16. alby we masarene we tortet elbala7 by2ololy enk nasoom :)

    t3ale eana a5ale mama t3melek :)

    ردحذف
  17. مبروك يا اروي

    بجد فرحت لك اروي

    ردحذف
  18. مبروك يا اروي
    بجد فرحت لك

    ردحذف
  19. السلام عليكم

    مليون مبروك ليها ياقمر وربنا يفرحكم كمان وكمان
    وسعدت قووى بمرورك الكريم وان شاء الله يبقا التواصل بينا

    وكل وانتى والاسره الكريمه بالف خير

    مودتى
    ايناس

    ردحذف
  20. تهامي..الله يبارك فيك ميرسي ليك :)

    ردحذف
  21. ايناس..الله يبارك فيك ياقمر
    كل سنة وانت بألف خير
    وان شاء الله يدوم بينا التواصل :)

    ردحذف

يا ترى عيونك بتقول ايه؟؟؟