السبت، 7 يونيو، 2008

شيء ما يتغير...للأفضل

......
تتملكني حالة غريبة من النشوة والتفاؤل ..حالة من الثقة في نفسي وفي الحياة وفي الناس...لا أتذكر متى كانت آخر مرة شعرت فيها بالتفاؤل فقد مر على ذلك وقت طويل..أتذكر حينما أطلق علي بعض أصدقائي (الطموحة) أظنه منذ زمن فلم أعد طموحة ولا متفائلة..فلأدعني من تذكر الفترات الماضية لأتمسك بما أشعر به الآن من تفاؤل, وسبب هذا التفاؤل ما يحدث حولي...
في البداية فاجاني صديقي"محمد التهامي"- أو"تهامي" كما نناديه- أنه تعاقد مع دار للنشر وسيصدر له قريبا مجموعة قصصية تحمل اسم "
بني آدم مع وقف التنفيذ" في البداية تعجبت..لكني تحمست له وانتظرت أولى كتبه..تهامي لم يكمل عامه الواحد والعشرون درس في كلية التجارة لكنه يحب أشياء كثيرة منها الكتابة والتصوير وله افكار وطموح واحلام عديدة يسعى لتحقيقها لا فقط يتمناها...
انتظرنا جميعا(أصدقاءه) المجموعة وأعجبنا اصراره على أن يفعل شيئا لا يقف كالمتفرج أو الحالم...الآن مجموعة تهامي بين يدي والكثيرون يتحدثون عنه..وبالفعل هو كتاب يعبر عنا عن جيلنا وأفكاره واحلامه...
ربما يظن البعض أن صداقتي لتهامي هي فقط سبب النشوة لكنها ليست السبب الوحيد فكما سعدت بإصرار تهامي وتجربته سعدت بتجارب أخرى مشابهة منها تجربة "مدونات الشروق"
"
غادة عبد العال" أو برايد كما كنت اعرفها من خلال مدونتها وقبل الافصاح عن اسمها..أظن كل اصدقائي الالكترونيين كانوا يعرفونها مثلي فمن أحدهم عرفت مدونتها ومن لم يعرفها مني عرفها..جذبني أسلوبها وجرأتها..انتظرت مواضيعها بفارغ الصبر..تابعت صدور كتابها, ومن قصة كتابها _وما احدثته كتب "مدونات الشروق" من ضجة- عرفت كل من "رحاب بسام" وحواديتها و"غادة محمود"مع نفسي.. بكل أسف لم أحظ بحضور أي من حفلات توقيعهم ولم أحصل على كتبهم وقت صدورها..حملت أجزاء منها من على الانترنت وقرأتها وبالطبع لم أكتف..أريد الكتب..تابعتهم في اللقاءات وعلى الفيس بوك وعلى المدونات..تحدثت عنهم وعن التجربة ووالتدوين والكتب الى كل من أعرفه سواء يهتم بالقراءة أو لا يهتم..كل من يتعامل مع الانترنت ومن لا يتعامل..أشعر أن شيئا ما يتغير حولنا للأفضل..شيئا ما فينا..أنظروا معي..:
· "دار الشروق"تتحمس وتصدر ثلاث كتب لثلاث مدونين
· كتب مدونات الشروق تحقق أعلى مبيعات في معرض الكتاب
· "
دار اكتب" تصدركتبا أولى لأصحابها ضمنهم كتاب تهامي"بني آدم مع وقف التنفيذ"
· فكرة "مدونات مصرية للجيب" والتي حققت نجاح كبير
· "
بني آدم مع وقف التنفيذ" يحقق نجاحا ويُطلب في أكثر من مكان
· أكثر من دار نشر تتحمس وصدر كتبا أولى لأصحابها
· "إيمان يوسف" تتحمس للكتب وتنشيء جروب "
كتاب جديد في السوق" ومن ثم الحفل الرائع لترويج الكتب
ألا يستحق كل ذلك مني بعض التفاؤل ويشعرني بالنشوة؟..
حصلت على كتب مدونات الشروق وكتاب تهامي وغيرهم من الكتب الجديدة ضمنهم"
المسحوق والأرض الصلبة" لابراهيم عادل الذي ساعدني في اقتناء الباقيين ..قريبا باذن الله سترون عرضي لهم...
ألسنا بالفعل نتغير للأفضل؟؟!!

هناك 11 تعليقًا:

  1. رنا
    فعلا فيه بيتغير
    مش انا و لا انتى
    احنا بنتغير للافضل
    كلنا
    فيه حالة حلوة فى المجتمع
    ان منتظر اول كتاب ليكي
    انتى موهوبة
    شدي حيلك
    يلا بسرعة
    مفيش وقت
    شكرا اوي انك كتبتى على كتابي
    شكرا اوي ان الكتاب عجبك

    ردحذف
  2. رنا كتابي نازل خلال اسابيع قليلة

    ادعيلي

    ردحذف
  3. تهامي ومصطفى مرة واحدة

    تهامي...ميرسي ليك بجد
    انا حاسة ان في حاجة جديدة فينا فعلا ومبسوطة بيها قوي

    مصطفى...متعرفش فرحتني قد ايه بجد ألف مبرووك وان شاء الله كتابك يكسر الدنيا
    ميرسي ليك

    ردحذف
  4. رنا بجد انا سعدت كثيرا عندما سمعت من تهامي عن نزول اول اصداراته وبجد فرحت أكتر لما لقيتها بتحمل نفس الاسم اللي عرفناه بيع
    تهامي بجد بدأها وان شاء الله ما يكونش النهاية وتستمر الإصدارات في النزول والنشر وتكون فوبيا لينا جميعا انا وانتي وكل أصدقائنا اللي نعرفهم
    بجد انا حاسس ان فيه حاجة بتتغير في البلد وان شاء الله يكون التغير ده دايما للاحسن وللأفضل

    ردحذف
  5. أولاً: ميرسييييييي أو شكرًا يعني لكِ ، و مبروووك ع النيو لوك الجااامــد جدًا ده يا رنا ....
    .
    .
    فكرتيني بتدوينة كنت كتبتها عننا من سنة، اسمها (الأيـام القادمة ..لنــا) ...
    الحمد لله، يوم بعد يوم بنثبت للدنيا إننا موجودين ، وبنتحقق بشكل أفضل،< وأجمل ما في تحققنا إنه بينا وجمع بعضينــا

    في انتظــارك يا جميـــل :)

    وخالص تحياتي
    و .. شوب كابشتينو

    ردحذف
  6. كريم...صح ياكريم ويارب الحالة دي تأثر فينا كلنا وتجمع ما بينا

    إبراهيم..:)

    النيولوك الجديد..إحدى نتاءج التفاؤل
    خالص تحياتي و...واحد مكرونة بالكبدة من عند بابا عبده وهيلب يور سيلف :))

    ردحذف
  7. احلى حاجة الامل والتفاؤل
    دايما فيه افضل ودايما التغيير لازم يكون للافضل والا يبقى مسموش تغيير مبروك النيو لوك مع انى معرفش اصلا شكل المدونة قبل كدة هههههههه
    ربنا يوفقك ان شاء الله
    مفاية ان تهامي ومصطفى فتحي جنبك
    اتشرفت بمعرفتك يا رنا

    ردحذف
  8. يارب يارنا تفضلى تتغيرى للاحسن ونفسيتك ترتاح وتستقر
    وان شاء الله بعد دوشة الامتحانات دى هتستقر اكتر واكتر
    حاجة تسعد الدنيا كلها
    ويارب اشوف اسمك مكسر الدنيا
    وتفضلى واثقة فى نفسك دايما

    ردحذف
  9. ده شرف ليا إني أمضي لك على نسختك طبعا:)..ربنا يسعد أيامك

    ردحذف
  10. الامل هو الطاقة للحياة
    الامل هو اللى نقدر نعيش بسببه لبكرة
    الامل لازم يكون موجود جوانا علشان نقدر نغير
    شكرا لطرحك موضوعات الشباب الجديدة دى
    اللى بيورينا ان فى امل موجود
    مش معقول 80 مليون مش هيطلعولنا
    عباس العقادونجيب محفوظ وناس تانية زيهم كتير
    شكرا لاخويا اسلام اللى حط "عيونى"عندة فى المفضلة ودخلت علشان اقرا الكلام الحلو الموجود هنا وبالتوفيق ليكى يارنا
    "منسى التان"

    ردحذف
  11. إسلام منسي...بجد انا مبسوطة جدا بتعليقك وبزيارتك لمدونتي والحمد لله انك مشفتهاش قبل كدة :) وطبعا وجود ناس زي تهامي ومصطفى بيشجعوني أجمل حاجة بتحصل ليا وللي زيي ..

    sosa...ميرسي جدا على مرورك وعلى تعليقك

    ghada...ميرسي بجد يا جميل وفعلا مرورك ك أسعدني جدا يارب متبقاش آخر مرة ميرسي جدا يا غادة


    إسلام التاني...ميرسي جدا ليك ولمرورك وكلامك الجميل وميرسي لإسلام اللي حط لينك مدونتي عنده وكان سبب اني أشوف تعليقك

    ميرسي بجد لكل اللي مبخلش عليا بكومنت :)

    ردحذف

يا ترى عيونك بتقول ايه؟؟؟