أختي نجحت وخلصت دراسة كمان هي صحيح أصغر مني وكان المفروض انا أخلص الأول بس أنا مبسوطة جدا
أختي أصرت تعمل حفلة تخرج وتعزم كل الناس اللي نعرفها وكل صحباتها عجبتني قوي لما قالت أنا لازم أعمل وأعرف كل الناس ان ماما(ربنا يخليهالنا) تعبها معانا السنين اللي فاتت مراحش عالفاضي..ماما كانت معترضة طبعا أولا لأن مالهاش في الهيصة والدوشة, ثانيا لأنها هتتعب جامد عشان احنا من صغرنا مش بنشتري حلويات من برة وماما موجودة يعني هي اللي هتعمل كل حاجة بنفسها وقد كان وشرفتنا كالعادة...أنا بقى كان رأيي ان بدل ما كل شوية حد يكلمنا يقول أحنا جايين نزوركم ونبارك (عشان تخرد اختي) وماما تقوم تعمل حاجة حلوة للضيوف يتجمع التعب كله في يوم ونفرح فيه ونفرح أختي وأصحابها...
إمبارح عملنالها حفلة تخرج صغيرة في البيت بجد كانت أكتر من تحفة وناس كتييييييييييييييييييييييييييييييييير جدا جد وبنات كتيييييييييييييييييييييير عكس ما توقعت لأني كنت فاكرة ان سنين الكلية برة العريش ضيعت مننا صداقات زمان خلاص..بس إكتشفت ن على قد ما بتاخد مننا صداقات على قد ما بتدينا الصداقات الحقيقية والقوية وان شاء الله هعمل بوست عن الموضوع ده
المهم ان برغم ان كلنا تعبنا جدااااااااااااااا ماما وانا وأختي وصحباتنا وقرايبنا الا ان الكل كان مبسوط وفرحان وفي ناس مكانتش عايزة تمشي, أمي كالعادة أبدعت في كل الأصناف اللي عملتها واللي فضلت 3 أيام بتعمل فيها وانا واختي اتهدينا في الشقة قبل وبعد الحفل ونفخ البلالين والزعيق للعيال عشان يبطلوا دوشة وقصص كتير كدة
مبرووووووووووووووووووك لأختي الجميلة ويارب يوفقها في اللي جاي لو هتكمل دراسة أو تشتغل أو تتجوز بقى وهي ونصيبها
دي شوية صور عشان الصور اتمسحت وخصوصا صور البلالين :(
تسلم ايدك يا أمي
والله عيونى بتقول مفيش اى تورتايه كده ولا اى حاجه ده كلام
ردحذفيلا عموما الف مبروك وعقباااااااالك
ايه الكلام ده بقى؟؟!!
ردحذفأمال لو مكنتش جيبالكوا نص الحلويات لحد عندكوا؟؟
نورتني :)
mashaallah tslm ayd mamtk wyarb kol ayamkm afra7 w3oabalk ya amr ttkhrgy anty kman 3la kher ya rab
ردحذفالف الف الف مبروك
ردحذفبس الاكل بجد كده الواحد ريقه جرى خالص
انا كنت صايم
وفطرت على البوست الجميل ده
يا رب افراحك تدوم دايما
thx ya gameel w yarab yesma3 menek we yarab kol 7ad nefso fe 7aga 7elwa tt7a2a2lo ya rab :)
ردحذفthx :)
بألف هنا مستر زناتي:)
ردحذفوعقبالك يارب لما تتخرج وتبقى باشمهندز جد الدنيي :))
نورتني :)
الف مبروك لها و عقبالك
ردحذفالله يبارك فيك وعقبال كل اللي لسة ما اتخرجوش يارب
ردحذفنورتني :)
مبروك لـ أروى يا رنا .. سلامي لها وبوسيهالي وباركيلها
ردحذفأنا عاوزة حته من كل طبق D:
الله يبارك فيكي يا ضحى وعقبالك يارب :)
ردحذفمبروووووووووووك لاختك وعقبالك يا قمر
ردحذفبوسيهالى مش كنتى تعزمينا ههههههههه طمعانة فى التورتة بقىهههههههه
مبروك يا قمر واللى تستاهل الهدية بجد مامتك ربنا يخليهالكوا يارب
تحياتى
الف الف مبروك على التخرج يا قمرايا وعقبالك وعقبالي انا كمان :)
ردحذفتسلم ايد مامتك بجد الحلويات ما شاء الله شكلها جميل اوي
ana 3ayza men tortet el bala7 malesh da3wa
ردحذفمي..الله يبارك فيكي يا قمراية والتورتة كلها تحت امرك يا فندم :)
ردحذفمعاك كل حق أمي هي اللي تستاهل كل خير :)
ليدي...الله يبارك فيكي يا عسل وعقبالنا ياااااااااااارب :)
ردحذفتسلمي يا جميلة:)
alby we masarene we tortet elbala7 by2ololy enk nasoom :)
ردحذفt3ale eana a5ale mama t3melek :)
مبروك يا اروي
ردحذفبجد فرحت لك اروي
مبروك يا اروي
ردحذفبجد فرحت لك
السلام عليكم
ردحذفمليون مبروك ليها ياقمر وربنا يفرحكم كمان وكمان
وسعدت قووى بمرورك الكريم وان شاء الله يبقا التواصل بينا
وكل وانتى والاسره الكريمه بالف خير
مودتى
ايناس
تهامي..الله يبارك فيك ميرسي ليك :)
ردحذفايناس..الله يبارك فيك ياقمر
ردحذفكل سنة وانت بألف خير
وان شاء الله يدوم بينا التواصل :)