الاثنين، 10 أغسطس 2009

عن الحب وأشياء أخرى




مترادفات كتير قوي بتساوي كلمة حب
حب يعني ولاء..يعني إنتماء..يعني إحترام..يعني وفاء..يعني إخلاص..يعني تضحية,

الحب مش مجرد كلمة سهلة ممكن تتقال في أي وقت لأي حد

الحب أكبر من كونه كلمة..الحب معنى..الحب موقف..الحب إحساس..الحب تسامح



انك تحب يعني انك مستعد تضحي عشان اللي بتحبه
انك تحب يعني انك مش قادر تشوف غير اللي بتحبه
انك تحب يعني انك مؤمن بالانسان اللي بتحبه
انك تحب يعني انك قادر تسعد اللي بتحبه
انك تحب يعني انك قادر توصل لقلب اللي بتحبه
انك تحب يعني انك تكون فخور باللي بتحبه
انك تحب يعني انك تكون قادر تمسح دموع اللي بتحبه

معاني كتير بتشملها كلمة من حرفين...

كتير بتصادفنا أحاسيس ومشاعر بنفتكر إنها حب..بس الحب أكبر من أي معنى أو إحساس

المشاعر اللي تموت وتتنسي مع مرور الزمن غلط نسميها حب
المشاعر اللي بتدخل فيها الحيرة والشك غلط نسميها حب

الحب أنوع ودرجات..
حب الله
الحب في الله
حب الحياة
حب البلد
حب الناس
حب الأهل
حب الأصحاب
حب الارتباط


ناس كتير بتدور عالحب ومش لاقياه...
وناس مش مقتنعة ان في حاجة اسمها حب...
وناس شايفة الحب كذبة
وناس شايفاه ضعف
ناس بتعرف تحب وتوصل حبها للي بتحبه
وناس مش بتعرف تعبر عن حبها ومش بتقدر توصله للي بتحبه



تعالوا نتكلم في الحب
تعالوا نتكلم عن أنواع الحب
تعالوا نتكلم عن درجات الحب
تعالوا نتعلم إزاي نحترم بعض
تعالوا نتعلم إزاي نفهم بعض
تعالوا نتعلم إزاي نعامل بعض
تعالوا نتعلم إزاي نختلف وإزاي نتفق
تعالوا نتعلم إزاي نحب بعض

وتذكروا.."لا يوجد بشر على وجه الأرض لا يحب..فأسوأ من فينا يحب نفسه"

شاركونا على موقع الفيس بوك
في
عن الحب وأشياء أخرى

هناك 18 تعليقًا:

  1. السلام عليكم

    كل سنه وانتى طيبه ياقمر بمناسبة قدوم الشهر الفضيل
    وان شاء نشارك معاكم

    بس تعرفى الحب اجمل من اننا نتكلم عنه الحب احساس وروح وتضحيه وعطاء بلا حدود

    ومافيش اى بشر يقدر يوصفه

    وميرسى على طرح الموضوع الجميل ده بهذا الشكل

    مودتى

    ردحذف
  2. el 7ob hwa asma klma momkn an tantkha el shfah wagmal m3na ymkn an ya7mlho el kalb wysadkho el 3akl el mohm an n3rf mn n7b wmta n7b wkefa ndaf3 3n tlk al 7ob bgd mwdo3 aksar mn raa3 lowla dek el wakt lashtrakt m3km wlakn a3zrony flwakt dayk

    ردحذف
  3. ايناس..يارب دايما كدة منوراني بذوقك وكلامك اللي زي السكر :)
    كل سنة وانت بألف خير يارب

    ومعاك حق الحب أكبر من اننا نتكلم عنه بس محتاجين نعرفه أكتر ونتعلمه صح
    بشكر مرورك الجميل :)

    ردحذف
  4. حول اوي كلامك عن الحب .. انا هاجي الجروب وهشارك معاكم :)

    ردحذف
  5. طوبة فضة وطوبة دهب...
    بتفكريني بفيلم الأيدي الناعمة D:


    منوراني يا قمر ومعاك كل حق الحب أسمى كلام وأعمق مشاعر ممكن تتقال:)

    احنا اللي زعلانين وخسرنا كتير عشان انت مش فاضية تشاركينا


    نورتيني بجد

    ردحذف
  6. الجميلة هاجر زعبل..

    منوراني وعيوني بتمسي عليكي يا قمر

    هتنورينا طبعا والبيت بيتك بس خشي باليمين وسمي D:

    مستنية أجمد مشاركات :)

    ردحذف
  7. ازيك ياقمر
    الحب بكل انواعه احلى حاجة فى الدنيا يعتبر وقود لحياتنا
    كل سنة وانتى طيبة
    تحياتى يا قمر

    ردحذف
  8. صديقتى رنا
    وشحانى جدا
    وبجد مصدوم انا اما قبلتك فكرتك بتتكلمى عن السياسة او كده بس بجد كلامك رقيق جدا وحساس جدا جدا
    keep going on
    كل سنة وانتى بخير وحب

    ردحذف
  9. يا معشر العشاق بالله خبروا = إذا اشتد عشق بالفتى كيف يصنع
    يداري هواه ثم يكتم سره = ويخشع في كل الأمور ويخضع
    وكيف يداري والهوى قاتل الفتى = وفي كل يوم قلبه يتقطع
    إذا لم يجد صبراً لكتمان سره = فليس له شيء سوى الموت ينفع
    سمعنا أطعنا ثم متنا فبلغوا = سلامي إلى من كان للوصل يمنع
    هنيئاً لأرباب النعيم نعيمهم = وللعاشق المسكين لا يتجرع
    اتفق معك في كل ما اوضحتى من معان ومفردات لمفهومك عن الحب انه حين ترى لاتري الا بعينه وحين تتنفس لا تتنفس الا لكى تكون سببا في بقائه حيا انه هو وانت واحد انه لاهوى عن تفكير في غيره انه واحد لواحد مهما تعددت انواع الحب (لله)فهو الواحد القهار واى حب ليس له من الوفاء والاخلاص والتضحيه وكل مايحمل الحرفان من معان فهو ليس حب
    ابدعتى ياسيدتى في طرحك للموضوع واسلوبك الذى هو عبر عن كل انواع الحب
    تحياتى

    ردحذف
  10. الحب جميل
    الحب حياه
    الحب دليل على نقاء القلوب




    تحياتى اللاسعه

    ردحذف
  11. مي..ازيك انت يا جميل:)
    منورة وطبعا الحب وقود لحياتنا من غيره الموتور يعطل :))
    نورتيني

    ردحذف
  12. حسام.. ازيك عامل ايه؟؟

    انت اللي صدمتني.. بس شغال شكلي يدي على سياسة D:

    هستنى مشاركتك عالفي بوك :)

    ردحذف
  13. لا تشتاق.. منورني دايما

    الحب معاني كل واحد بيعرفها على قدر احساسه وفهمه ليها زي ما انت عملت

    بشكرك
    ونورتني:)

    ردحذف
  14. لاسع فندي...
    طبعا الحب هو كل الحاجات الجميلة اللي قلتها واكتر
    والمفروض كمان يكون اساس للتعامل بين كل الناس

    تحياتك اللاسعة وصلت يافندم ولسعتني

    نورتني :)

    ردحذف
  15. أقرأ هنا اجمل كلام عن " الحب " انت مباركة إذ تفهمين هذا الشعر عن الحب .
    لكننى مضطر لمخالفتك فى تصنيفه ؛ لانه فى رايى الشخصى لايصنف , وهذا التصنيف الذى تخبرين به من العرف السائد بيننا نحن المتدينين وفرضه علينا ذوى اللحى والمشايخ الذين يظنون انهم يملكون مفتاح الفردوس .
    الحب إخلاص وتفانى ؛ من يحب الله يحب خلقه من بشر وحجر .
    ونعم قد تحبين شخصا ما أكثر من غيره , انا مدين بالفضل لفلان , ويعجبنى علان , واحترم هذا وهذا اقل ؛ هذه امور تقييمية , ودرجات من الحب لكنه " الحب " قبول " و إقبال على الحياة . .
    وهو تلك العاطفة الجياشة التى تريك من جمال الدنيا ما لم تريه قبلا , هو ذروتها ويعمقه حب الخالق الذى حباك بمخلوق يكملك : نفس واحدة ؛ خلق منها نوعيها كشطرين تكتمل فيها " النفس الواحدة " كل مقومات المخلوق الكامل تماما كالعين تتسع رؤيتها بالأخرى الملازمة لها ,
    هل جربت النظر بعين واحدة ؟ نظل بعين واحدة حتى نجد الشطر الآخر لنا , وحين نسىء الاختيار - والاسباب كثيرة - لا تكتمل الصورة كما يجب معظمنا لا يجيد الاختيار لأن رغبتنا الجنسية تدفعنا احيانا الى الديكور المصطنع فنغفل عن الجوهر المطلوب لاكتمال النفس الواحدة .. ..
    فى كل الاحوال فإن الحب هو كل ماقلت غير انه غير مصنف , وقد قال احد الصالحين : نحن لا نكره العصاة والاشرار من بنى البشر , لكننا نكره المعصية والخطيئة التى هم عليها , وندعوا لهم بظهر الغيب ؛ ان ينعم الله عليهم بصفاء النفس وهدوء البال عندها سيجدون الوقت للتدبر والتفكر وهجر المعاصى .
    سعدت بك وبمدونتك . تحياتى .
    http://kasemazez.maktoobblog.com/

    ردحذف
  16. عزيز...شرفتني بجد وانا الاسعد بتشريفك مدونتي المتواضعة

    انا مش ضد كلامك بالعكس انا معاك جدا
    بس برضو أكيد حبي لربنا مختلف عن حبي لأمي عن حبي لبلدي عن حبي لأخويا عن حبي لزوجي
    دي كلها أنواع للحب لكن في النهاية اسمها حب
    بتختلف في طريقة تعبيري عن كل نوع حبي لأمي بعبر عنه بنجاحي والاعتراف بفضلها حبيس لربنا بأني معصيهوش وأّكره واقوم بكامل العبادات
    وهكذا فطالما اختلفت طرق التعبير ظهرت لنا أنواع وتصنيفات مختلفة من الحب
    _________________
    وقد قال احد الصالحين : نحن لا نكره العصاة والاشرار من بنى البشر , لكننا نكره المعصية والخطيئة التى هم عليها , وندعوا لهم بظهر الغيب ؛ ان ينعم الله عليهم بصفاء النفس وهدوء البال عندها سيجدون الوقت للتدبر والتفكر وهجر المعاصى

    بالضبط هو ده اللي بقصده وبتمناه
    اننا منكرهش الاشرار لكن نساعدهم وندعيلهم ربنا يهديهم للنور وللخير وللحب


    سعدت جداااااااا بحضورك
    أتمنى التواصل

    نورتني
    :)

    ردحذف
  17. الحب
    الحب ده شئ حلو قوى
    حب كل شئ
    من اول حب للحبيب
    حتى حب الوطن
    الحب الوان
    عشان كده
    انيس منصور كتب الوان الحب
    الحب جميل جدا
    حب النفس اوحشهم فعلا
    وحب الاخرين احلاهم
    اللى مش بيؤمن بالحب جاهل
    لكن اللى بيقدر يتحكم فيه
    هو اللى بيوفق بين كل شئ
    موضوعك حلو جدا يا رونه
    وعلى فكره بقى
    انا اسف انى مجيتش علطول
    اااااااااااااااااااااسف
    اسف اسف اسف اسف ساف اسف

    ردحذف
  18. زنات...إستنيتك كتيييير

    كلامك صح
    وطبعا كل واحد بيشوف الحب برؤيته الخاصة

    متتأسفش المهم انك جيت
    بتنورني بجد :)

    ردحذف

يا ترى عيونك بتقول ايه؟؟؟